Академските сликари од Турција Фатон Кријезиу, Али Синани и Шабан Олан заедно со ликовните уметници Нермин Чеман од Црна Гора, Немања Величковиќ од Србија и македонските сликари Крсте Шупев и Филип Новески, синоќа во ресенскиот Сарај изложија дел од своето уметничко творештво.
Меѓународната ликовна изложба „Мост“ е одраз на автентичните култури во државите од каде гостуваат ликовните уметници во Ресен.
-Храмот на културата во Ресен е најдоброто место за размена на културни вредности. Секој посетиел забележува рефлексија на автентични култури и традиционални вредности кои ги врзува мост, рече меѓудругото Васко Василевски, директор на Дом на култура „Драги Тозија“ на синоќешното отворање на изложбата „Мост“ во Ресен.
Културниот настан се организира во соработка со Дом на култура „Иван Мазов Климе“ од Кавадарци.