Петнаесет американски држави се согласија синоќа да забранат патување во рамките на нивните граници за 29 Венецуелци, вклучувајќи го и претседателот Николас Мадуро и негови блиски сојузници, како дел од дипломатските напори да го принудат да поднесе оставка.
На состанокот во Богота, меѓу останатите беа и претставници на Аргентина, Бразил, САД, Колумбија, Чиле и Перу, кои се потписнички на Меѓуамериканскиот договор за взаемна помош (ТИАР), договор што ветува меѓусебна одбрана за членовите на Организацијата на американските држави.
Групата во септември прифати идентификација, санкционирање и екстрадиција на водечките членови на владата на Венецуела, за кои тие рекоа дека се поврзани со перење пари, трговија со дрога и тероризам. На списокот за забрана за влез во 15 земји на ТИАР се најважните сојузници на Мадуро како што е министерот за надворешни работи, секретарот за одбрана Владимир Падрин, потпретседателката Делси Родригез и Диосдада Кабела, кој е број 2 во владејачката Социјалистичка партија.
Околу 500 луѓе поврзани со Мадуро веќе се под различни санкции.