СДСМ: Мицкоски и Јанушев да ги повикаат пратениците да го поддржат Барањето за автентично толкување

Од:

Наместо да кажат дали ќе го поддржат Барањето за автентично толкување на членот 11 од Законот за помилување, ВМРО-ДПМНЕ продолжува со неодговорни предлози кои се во функција на одбегнување на правдата, реагираат од СДСМ на прес-конференцијата на Игор Јанушев од ВМРО-ДПМНЕ.

„Игор Јанушев и Христијан Мицкоски да не вртат од околу, туку да ги повикаат пратениците да го поддржат Барањето за автентично толкување поднесено од СДСМ со кое се става крај на незаконската аболиција од Ѓорге Иванов.

Мора еднаш засекогаш да се затвори незаконската амнестија на Иванов. Секој што се огрешил пред законите мора да одговара, а сите започнати предмети и истраги мора да добијат правна разрешница.

За некој што се огрешил пред законите не е прашањето со што ќе се занимава, туку првенствено мора да одговара за своите постапки согласно законите.

Предлогот на Мицкоски и ВМРО-ДПМНЕ во суштина значи дека сите од ВМРО-ДПМНЕ што 11 години краделе треба да бидат амнестирани, да не одговараат, па после да им се забрани да се занимаваат со политика. Тоа е несериозно и срамно. Одговорноста мора да биде на прво место.

Затоа прво треба да ја затвориме нелегалната амнестија на Иванов, па да разговараме и за други предлози како и за проширување на забраната за политичко учество и со лица кои се под истрага, на лица под обвинение или за кои беа презентирани прислушувани материјали кои укажуваа на нивна вклученост во незаконски дејствија.

Што се однесува за предлогот за испитување на имот на функционери, тој е задоцнет, таква проверка веќе се случува.

Затоа Мицкоски јасно и гласно треба да ги повика пратениците од ВМРО- ДПМНЕ да го поддржат автентичното толкување на член 11, а не само декларативно да ја замајува јавноста дека се залага за правда и за владеење на правото.“, се наведува во реакцијата на партијата.

Би можело да ве интересира

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

ВМРО-ДПМНЕ: СДС е спотер, а сватот на Али Ахмети акционер