Тринаесеттата традиционална Меѓународна ликовна изложба за деца и младинци „Флора и фауна – извор на животот и убавината“ ќе биде отворена денеска во Скопје во организација на Детскиот ликовен центар-Скопје, со поддршка од Министерството за животна средина и просторно планирање.
Како што информираат од Ликовниот центар Хари ќе бидат доделени и награди за учесниците – младите уметници од земјите-учеснички од странство и на домашните учесници во сите возрасни категории од пет до 23 години. Вкупно ќе бидат изложени 450 ликовни творби, а во сите категории ќе бидат наградени најуспешните 180 млади творци од земјата и странство.
Изложбата ќе биде отворена до 2 декември годинава, се наведува во соопштението.