Кандидатот за градоначалник на општина Карпош од коалицијата „За подобра Македонија“ Јагнула Куноска вечерва одржа предизборен митинг во село Бардовци.
Нова економска зона во Бардовци ќе им стои на располагање на странските инвеститори, ќе се простира до пругата кај обиколницата и ќе биде атрактивна локација и погодно место за отворање производствени капацитети. Ова, меѓу другото, го содржи програмата на Куновска.
– Ја предвидовме економската зона за да се отворат работни места, за да се вработат нашите млади, конечно и тие да добијат работно место, да имаат свој личен доход, да формираат семејства, порача Куновска.
Таа како приоритетни ги најави и еколошките проекти за, како што нагласи, чиста околина, чист Лепенец. Во програмата е зацртана и санација на фекалната канализација во Бардовци.