Андреј Жерновски, кандидатот за градоначалник на општина Центар од „Сојузот за иднината“, прес конференцијата ја одржа пред споменикот на Прометеј.
Посочи дека 43, 2 милиони евра се потрошени за „Скопје 2014“. Праша дали ова е во служба на граѓаните или под диктат на централната власт
„Од друга страна 18, 5 милиони евра се потрошени за основните приоритети на граѓаните. Крајно сериозна ревизија за ова мора да се изврши. Мора да се направи стручна ревизија, затоа што граѓаните мора да знаат каде се потрошија нивните пари. Во отчетот ни во програмата на Тодоровиќ нема ни збор за ова, а исто и кај Коце Трајановски“, рече Жерновски.
Одржувањето, рече, исто ќе биде проблем, бидејќи чини скапо.
На денешната прес конференција не дојде екипа од Сител. Ова беше шанса по вчерашниот скандал, кога новинарка од оваа телевизија, наместо на Андреј Жерновски, напишаните и нарачани прашања му ги постави на Андреј Петров.
Катерина Цаневска Арсовска
