ДУИ на локалните избори во Дебар очекува голема победа на кандидатот за градоначалник Ружди Лата и кандидатската листата за советници во која има и кандидати од редовите на Партијата за Европска идина и Нова демокератија, со кои ДУИ е во коалиција.
– Новото раководство на локалната власт ќе ја има целосно поддршка на централната власт и ќе се развива со засилена динамика, ова вечерва во Дебар го изјави претседателот на ДУИ, Али Ахмети.
Кандидатот за градоначалник Ружди Лата рече дека Дебар има кадровски потенцијал со реализација на бројни проекти во сферата на инфраструктурата да го врати својот углед.
Тој вети дека ќе го санира системот за наводнување на дебарското поле и ќе го реконструира целосно градскиот плоштад.
– Очекуваме големи инвестиции од нашите иселеници кои се бројни во САД и ќе сториме се Дебар да се развива забрзано и на економски план, рече Лата.
Тој најави изградба на современи патишта кои Дебар ќе го поврзуваат со Кичево и Струга.
Актуелниот градоначалник на Дебар и претседател на огранокот на ДУИ Аргетим Фида истакна дека кандидатот Ружди Лата покрај поддршката од ПЕИ И ДР, веќе ја има добиено и поддршката на ограноците на ВМРО-ДПМНЕ, СДСМ, ТДП и Партијата на Ромите.