Кандидатот за градоначалинк од коалицијата „За подобра Македонија“ предводена од ВМРО – ДПМНЕ, Зоран Ѓорѓиевски денеска оствари средба со стопанственици од прехранбената индустрија и најави дека во неговата програмата, приоритет има економскиот развој на општината.
– Покрај тоа што сме заинтересирани за пронаоѓање стратешки инвеститори за технолошко развојната зона која многу ќе значи за градот и ќе ја намали бројката на невработените, сепак и постојните капацитети преку кои сме препознатливи во Македонија и регионот, се приоритет за нас, особено нивното проширување и зајакнување, рече Ѓорѓиевски.
Куманово, освен што е препознатливо како чевларски град,има брендови и во прехранбената индустрија, потенцира Ѓорѓиевски, додавајќи оти за локалниот економски развој е особено значајно нивното проширување, а со тоа и намалување на невработеноста.
Кандидатот за градоначалник од ВМРО-ДПМНЕ, Зоран Ѓорѓиевски, појасни дека во програмата е предвидено и формирање на канцеларии со кои ќе се овозможи поддршка за ново заинтересираните стопанственици кои имаат идеи за развој на мали и средни претпријатија, а кои ќе придонесат за намалување на бројката на невработените во општината.