Пред четири години општина Центар беше прогласена за општина со најдобра и најмирна кампања. Тогашните противкандидати Тодоровиќ и Вујиќ, од Фуере добија награди.
Денеска во истата општина имаме четири демолирани штабови и тоа сите на кандидатот за градоначалник на Скопје, изјави Андреј Жерновски.
Ова, вели Жерновски, за жал е денешната слика на Центар и на Македонија.
„Ова сценарио е по повод вчерашната прес конференција на која што кажав дека мафијата по 24-ти март ќе треба да се збогува со општина Центар. Јас тврдам дека мојот мандат ќе биде чист, спротивно на 13-те години на Аларова и Тодоровиќ. Ова сценаро почна со безобразните лични навреди во прилог на Сител, а заврши со демолирањето на 4-те штаба“, изјави кандидатот за градоначалник на Центар, Андреј Жерновски.
Жерновски посочи: Ако им е намера да не заплашат, се излажале. Ова зборува за нивниот страв. Жерновски ги повика граѓаните на Центар, масовно да излезат на гласање и конечно да дојде пролетта во Скопје.
Катерина Цаневска Арсовска