ВМРО-ДПМНЕ во континуитет потврдуваат дека се против се` што е во интерес на граѓаните, реагираат од СДСМ на прес-конференцијата на Невенка Стаменковска од ВМРО-ДПМНЕ.
„ВМРО – ДПМНЕ претходно покажаа дека се против минималната плата, против раст на платите во приватниот сектор, а со тоа и против парите да завршуваат назад кај граѓаните.
Времето на превработување на администрацијата поради партиски цели и добивање на повеќе гласачи за избори ќе остане запаметено како времето на ВМРО-ДПМНЕ.
Денес, секоја институција вработува според индивидуалните потреби, дали за нови работни позиции поради зголемен обем на работа и формирање на нови сектори, како и замена на постоечките со нови вработени поради пензионирање.
Институциите денес, работат професионално, отчетно и одговорно, без притисоци закани, уцени и бркање од работа како во времето на ВМРО-ДПМНЕ.
ВМРО – ДПМНЕ изгубија на последните избори поради тие причини и затоа ќе изгубат и на изборите на 12 април.
Обнова на криминалниот режим и заканите кон администрацијата нема да има.“, се наведува во реакцијата на партијата.