Вчера во 07.30 часот полициски службеници од Полициската станица за Граничен премин и граничен надзор „Меџитлија“, пред село Кременица, битолско, привеле пет лица, сите од Куба, поради тоа што илегално ја преминале државната граница и од Грција влеле во Северна Македонија, информираат од МВР.
Лицата биле предадени на полициски службеници од СВР Битола за понатамошна постапка. По документирање на случајот, против нив ќе биде поднесен соодветен поднесок.