Урбаната мафија владееше со општина Центар кога таму градоначалник беше Мирослав Грчев. Во тоа време урбанистички се упропасти Дебар Маало, се дозволи да се градат промашени проекти како објектот Тифани на булеварот Партизански одреди која и ден денес е чир во центарот, како и објектот Лумикс на плоштадот, се вели во реакцијата на ВМРО-ДПМНЕ на прес-конференцијата на кандидатот за градоначалник на општина Центар Андреј Жерновски.
Зголемувањето на енергетската ефикасност пак за која говори тој, се додава во реакцијата, веќе е дел од стратегијата на оваа Влада предводена од ВМРО-ДПМНЕ.
– За време на мандатот на градоначалникот Тодоровиќ се реконструираа фасадите во центарот на градот неколку улици се претворија во пешачки зони со што Скопје заличи на вистинска метропола. Се изградија и проширија неколку булевари и се изградија катни гаражи со што се растерети сообраќајниот метеж кој беше карактеристичен за центарот на Скопје долги години наназад, се вели во реакцијата од ВМРО-ДПМНЕ.