Кандидатот за градоначалник на Град Скопје од ВМРО-ДПМНЕ и коалицијата „За подобра Македонија“ Коце Трајановски денеска го промовираше проектот за подобрувањето на водоснабдувањето во општина Шуто Оризари.
– Станува збор за горлив проблем кој ги мачи жителите од овој дел од Скопје и со реализацијата на проектот ќе се подобри водоснабдувањето за околу 40.000 жители, рече Трајановски.
Во проектот, како што појасни, предвидено е изградба на пумпна станица кај булеварот „Босна и Херцеговина“, нов потисен цевковод до постојните резервоари и нов резервоар, во вредност од околу 2,5 милиони евра.
– Во општина Шуто Оризари според изборната програмата е предвидена и реконструкција на една од главните сообраќајници, а тоа е дел од улицата „Нов Живот“ на потегот од улицата „Брсјачка Буна“ до улицата „Шуто Оризари“, во должина од околу 400 метри, изјави Трајановски.
Тој потсети дека во изминатите четири години во 10-те скопски општини реализирани се голем број проекти за подобрување на животот на жителите и најави дека со иста динамика ќе се продолжи и во наредниот мандат.
