Бугарскиот Парламент денеска е распуштен со претседателски указ откако партиите не усепаја да формираат нов кабинет откако владата поднесе оставка по повеќенеделните улични протести.
На последната пленарна седница пратениците ја оценуваа работата на Парламентот.
Претседателката на Парламентот Цецка Цачева изјави дека Парламентот заминува во историјата со што „се дава ново искуство, сила и цврстина на демокртаксиот процес“.
– Јас имам дел од одговорноста за тоа што ние како целина не успеавме да направиме. Пратениците заминуваат, но парламентарниот систем останува. Парламентот е формиран да биде институција за судири каде се донесуваат одлуки. Тие луѓе прво викаат, а потоа гласаат. Демократскиот парламентарен механиза, повторно ќе биде воспоставен, истакна Цачева.
Таа како достигнувања на тој парламентарен состав ги наведе: елиминирање на праксата на гласање со картичките на другите пратеници, зголемување на транспарентноста со директните преноси од пленарните седници, формирање на јавниот регистар на гласање и објавување на транскриптите од отворените седници.