Србија е подготвена за раговори и постигнување компромис за Косово, но никогаш нема да се согласиме на понижување, изјави претседателот на Србија, Александар Вучиќ и кажа дека го изненадил фактот дека пратеникот на американскиот претседател, Метју Палмер говори само за обврските на Белград, а никако и за обврските кои ги има Приштина.
-Ако е се така како што кажа Палмер, тогаш не знам за што да разговараме, изјави Вучиќ за „Новости“ коментирајќи ја изјавата на помошникот државен секретар на САД кој во во Приштина кажа дека Србија нема никогаш да влезе во ЕУ доколку не го признае Косово.
-За тоа во кој момент да го признаеме Косово, а тие за возврат да ни ги укинат таксите? Мене тоа ме потсетува на некоја шега. Во секој случај, подготвени сме за разговори и за постигнување компромис, но понижување на Србија нема да има, рече Вучиќ.
Прашан да ја коментира заканата на Палмер за санкции, доколку Србија набави антиракетен руски систем С-400, Вучиќ рече:
-Не набавивме С-400, а за се друго тие и тоа како добро знаат и не претставува никаков проблем. Но и тоа говори многу за нивниот однос. Ако видиме што се набавија Хрватите од Американците, тоа секако не е проблем. Тоа покажува дека постојат различни аршини за различни земји, рече Вуќиќ.
Палмер во понеделник доаѓа во Белград.