Во кафе-галеријата „Концепт 37“ вечер од 20 часот ќе биде отворена самостојна изложба на Виолета Николова-Виле, насловена „Вечни музи (Eternal Muses“), која ќе претстави апстрактен урбан експресионизам, масло на платно.
Виолета Николова-Виле (1964) е историчар на уметноста која со сликарство активно се занимава од почетокот на 1980-тите години. Во нејзиниот ликовен опус има различни творечки фази, а во последните години инспирација наоѓа во фигуративното сликарство, особено во апстрактниот урбан експресионизам.
Живее и работи во Скопје. Уредник е во филмската редакција на телевизија Канал 5.