Поранешната амбасадорка на Бугарија во САД, членка на одборот на Атлантскиот совет на Бугарија, Елена Поптодорова, изјави дека Ниш е руска воена база во Србија.
-Ниш очигледно е руска воена база во Србија која ја нарекуваат центар или интитуција. Но, доколку таму Русите го остават противвоздушниот систем С-400, ќе ја покријат и Бугарија и цел регион на Западен балкан, оцени Поптодорова.
Поранешниот министер за надворешни работи на Бугарија, Соломон Паси на својот профил на Твитер ја искоментира фотографијата на српскиот претседател Александар Вучиќ со претседателот на Европската комисија, Жан Клод Јункер и со европскиот комесар Јоханес Хан, алудирајќи на
Европската комисија да обрне внимание на руската активност во Србија.
-Дали ќе има расправа за руското воено присуство во Србија и рускиот центар за шпионирање во Ниш? Или ние и на КГБ му нудиме европска перспектива?, напиша Паси.