Поранешниот американски заменик-претседател Џо Бајден денеска на „Твитер“ изрази силна поддршка за интегрирањето на Северна Македонија во НАТО, откако завчера Сенатот го ратификуваше Протоколот за членство во Алијансата.
-Силно го поддржувам одобрувањето на членството на Северна Македонија во НАТО од Сенатот. Земјите од Западен Балкан заслужуваат да бидат дел од Европа во целина, слободни и во мир и ние треба да ги поддржуваме евроатлантските интеграции во целиот регион, напиша Бајден на својот „Твитер“ налог.
I strongly support the Senate's approval of North Macedonia's NATO membership. The countries of the Western Balkans deserve to be part of a Europe whole, free and at peace and we should be supporting Euro-Atlantic integration across the region. https://t.co/UUyOWL20z7
— Joe Biden (@JoeBiden) October 24, 2019
Бајден е еден од кандидатите за американски претседател од Демократската партија.
Тој неодамна изјави дека доколку Доналд Трамп биде реизбран на изборите следната година, НАТО ќе престане да постои.
-Доколку тој (Трамп) повторно биде избран, ви ветувам дека нема да има НАТО… Ќе имаме вистински проблеми, рече Бајден за време на дебатата меѓу демократските кандидати за иден американски претседател.