Бугарскиот претседател Росен Плевнелиев го именуваше денеска дипломатот Марин Рајков за претседател на привремената влада.
– Премиерот треба да биде добар дипломат. Мора да биде разумен, способен и треба да ги брани интересите на Бугарија во Брисел, изјави Плевнелиев пред новинари објавувајќи го составот на привремената влада која ќе работи до одржување предвремени избори на 12 мај.
Тој го именуваше гувернерот на Централната банка Калин Христов за министер за финансии во привремената влада. Плевнелиев претходно најави дека привремената влада ќе биде фокусирана на подобрување на економските услови.