Јагнула Куновска кандидат на ВМРО-ДПМНЕ за градоначалник на Општина Карпош во реакција на изјавата на противкандидатот Андреј Петров му порача оти програма не се пишувала за три дена и оти потребен е долг период за да се слушнат приоритетите на граѓаните и тие да се преточат како конкретни проекти.
– Го поздравуваме тоа што Петров конечно седнал да напише нешто, но сепак сето тоа се само неиздржани реченици зад кои нема никаква планска и финансиска документација, стои во реакцијата.
Од штабот на ВМРО-ДПМНЕ со потсетување до Петров дека не излегува на избори заради Јагнула Куновска и не треба неа да и ја презентира програмата и проектите, кои се, велат, за граѓаните на општина Карпош.
– ВМРО-ДПМНЕ уште од првиот ден пред граѓаните ги презентира своите проекти за општина Карпош, доследно со плански и финансиски конструкции и рокови за реализација. Само така граѓаните можат да видат кои се плановите за нивната општина и колку средства би се потрошиле за истите, се наведува во реакцијата од штабот на Куновска.