Кандидатот за градоначалник на Куманово од СДСМ, Зоран Дамјановски и советниците од листата на Сојузот на иднината, синоќа се сретнаа со жителите на населбите, Бедиње, Режановце и Лопате.
Градоначалникот Дамјановски на присутните граѓаните им ја презентираше изборната програма и ги потсети дека во првиот мандат фокусот му беше решавање на проблемите во ценарот на градот, а во вториот на проблемите од приградските населби.
-Во Бедиње за десетина дена ќе се доврши водоснабдувањето кое беше актуелно во послените години. Исто така ќе се заврши и проектот со канализационата мрежа на потегот од касарната до главниот колектор до реката, со што ќе се реши проблемот со поплавите што беа присутни изминатите години.
– Во програмата за оваа година е планирано и асфалтирањето на една улица во населбата и со тоа ќе го заокружиме циклусот за оваа година. Не го забораваме и проектот кој го започнавме пред неколку години, но застана поради нерасчистени имотно-правни односи, а тоа е изградбата на тротоарот на главната улица од црквата. Се надевам дека во новиот мандат ќе го решиме и тој проблем, бидејќи е значаен за безбедноста на граѓаните – изјави Дамјановски.
Елена Георгиевска