„Граѓаните треба да покажат дека им е навистина доста. Да го покажат својот отпор кон кршењето на Уставот и на законите и кон ова душманско трошење кое го прави власта“ , порача Зоран Јовановски, потпретседателот на Социјалдемократскиот сојуз на Македонија на средбата со граѓаните во населбата Македонка во Штип.
Од населбата Македонка Зоран Јовановски, заедно со раководството на ОО на СДСМ- Штип, се упати кон приградската населба Караорман, каде што кандидатот за градоначалник на Штип, Здравко Коцев, ја презентираше својата програма и проектите што се предвидени за оваа приградска населба.
Зоран Јовановски, се обрати и пред граѓаните на Караорман и ги потсети на „злоделата на оваа власт“.
„ВМРО-ДПМНЕ го згреши слоганот, требаше да биде: „Избери зло дела“, затоа што вакви злодела како што има направено оваа влада во изминатите неколку години не се запаметени во нашата историја“.