Отворање нова економска зона, реставрација на Хавзипашини конаци и промоција на локалитетот Скупи, во соработка со Министерството за култура, се само дел од проектите што ги најави денеска кандидатот за градоначалник на Карпош од ВМРО-ДПМНЕ Јагнула Куновска за реализација во населбата Бардовци.
– Како еден од најголемите проекти е отворањето економска зона која е во близина на обликолницата, а ќе се искористи и железничката пруга која е во близина. Со оваа зона, ќе се отворат нови работни места, што позитивно ќе влијае на развојот на населеното место Бардовци. Предвидена е и реставрација на Хавзипашините конаци, како и промоција на локалитетот Скупи со што Бардовци ќе прерасне во атрактивна туристичка дестинација, рече Куновска.
Како дел од планираните проекти најави и реконструкција на Психијатриска болница Бардовци, заедно со Министерството за здравство, како и реконструкција на спортските сали и изградба на спортско-рекреативен комплекс Бардовци, на местото на сегашните игралишта.