Атински суд го ослободи пратеникот на неофашистичката партија Златна зора Илиас Касидиарис од обвинение за напад.
Касидиарис беше обвинет дека бил дел од петчлена група која во 2007 година нападна студент кој беше претепан и прободен со нож, а му била украдена и личната карта.
Сведок на инцидентот тврдеше дека напаѓачите по инцидентот избегале со автомобилот на Касидиарис.
Пратеникот на Златна зора, кој негираше секаква вмешаност во инцидентот, е ослободен од обвинението поради недоволно докази и постоење сомнеж.