Во ходникот на Основниот суд во Параќин 44-годишен маж денеска се полил себеси и еден полицаец со запалива течност, а потоа ја запалил, па двајцата се сериозно повредени, соопшти полициската станица во Јагодина.
Полицаецот и Г.М., со сериозни повреди, опасни по живот, хоспитализирани се во болница.
Против Г.М. покрената била кривична пријава за напад на овластено службено лице при вршење на службена должност и кривично дело предизвикување општа опасност.
Во соопштението на полицијата се наведува дека двајцата се здобиле повреди опасни по живот, како и дека полесно било повредено уште едно лице кое присуствувало на местото на настанот.