Австралиските пожарникари се борат со силниот ветер кој придонесува за брзо ширење на огнената стихија, со цел да ги стават под контрола пожарите кои го зафатија источниот брег на Австралија.
Повеќе од 100 пожари се активни во Квинсленд и Нов ЈУжен Велс, а метеоролозите велат пожарикарите да не сметаат на помош од природата, со оглед на тоа дека сушата остави исушени растенија кои брзо горат.
Премиерката на Квинсленд Анастасија Палашжук изјави дека има 51 активен пожар во таа област, во кои се уништени 17 куќи, дополнувајќи дека опасноста од нови пожари е многу висока.
– Сè уште не сме се извлекле, сè уште сè е многу суво, изјави таа денеска.
Во најнаселената австралиска сојузна држава Нов ЈУжен Велс тревата и нискостеблестите растенија горат на повеќе од 65 места, а особено опасни се три пожари. – Повеќе од 500 пожарникари кои продолжуваат да ги заштитуваат домовите, работат во исклучително тешки услови, наведе противпожарната служба.