Кандидатот за градоначалник на општина Карпош од коалициајта „За подобра Македонија“ Јагнула Куновска вечерва имаше средба со граѓаните во скопската населба Жданец.
– Мојата идна функција, градоначалник на Карпош, ја сфаќам како заложба за задоволување на потребите и решавање на проблемите на сите граѓани од општината, рече Куновска.
Програмата што ја изготвила, додаде, е визија за четиригодишен економски развој на оопштината.
– Не треба да им дозволиме уште еден мандат на оние кои немаат што да и понудат на општината. Земете ја судбината во свои раце. Единствено сакам и барам Карпош да им се врати на граѓаните зашто само ним им припаѓа, треба да се развива парарлелно со градот, да не заостанува, истакна Куновска.