Во центарот на Штип денеска е отворен централниот штаб на кандидатот за градоначалник на ВМРО-ДПМНЕ и коалицијата „За подобра Македонија“ Илчо Захариев и на кандидатите за советници чиј носител е Никола Мицевски.
Захариев истакна дека граѓаните веќе го препознаваат вистинскиот избор, а токму визијата за регионален центар и за решавање на сите проблеми на граѓаните е преточена во изборната програма „Нови дела за подобар Штип“.
– Социјалната сигурност на моите сограѓани, правдата и правичноста, врното образование и беспрекорно здравство ќе бидат врвните постулати кои за овие четири години ќе ги креираме и развиваме во Градот. Слободната економска зона, изградбата на нови фабрики, отварањето на нови работни места, преструктирањето на нашето стопанство од текстилот кое е наша гордост во други индустрии кои ќе донесат поголем бенифит за граѓаните ќе биде наш приоритет, рече Захариев.
Во наредните денови вети дека ќе бидат на расополагање на граѓаните за да ги сослушат нивните идеи, проекти и проблеми, но и за да ја разгледаат програма што ја нудат.
Најави дека ќе продолжи со реализацијата на почнатите проекти, обезбедување на водоводни и канализациски системи за оние населени места каде што не се изградени, но и ефикасна и чесна администрација, која за граѓаните на Штип ќе биде достапна 24 часа.
