Адвокатскиот тим на Бојан Јовановски познат како Боки 13 за „А1он“ вели досега немале можност да го бранат својот клиент пред судот. Тие тврдат дека Боки 13 воопшто не бил распрашуван кога му била определена мерката притвор ниту, пак, им биле посочени докази против него.
„Тој воопшто не е распрашуван. Нема покана за да даде исказ, ниту ни се посочени докази. Тој немаше можност да се брани, а нам не ни се покажани снимки ниту, пак, во решението за притвор пишува дека ги има“, вели адвокатскиот тим на Боки 13.
Правните застапници на Боки 13 се жалеле бидејќи не им е предочено на какви докази се темели одлуката за притвор, а за снимките што излегоа во јавност велат дека првпат ги виделе по објавувањето во медиумите.
Минатата недела Кривичниот суд го одобри барањето на Обвинителството за организиран криминал и корупција, од каде што бараа нови 30 дена притвор за Боки 13 и Зоки Кичеец.