Триесет и петгодишен светиниколец починал синоќа во Охрид од повреди добиени од удар со главата во камен.
Како што соопшти МВР, вчеравечер во 20 часот било пријавено дека на плажата Лагадин во Охрид лицето од Свети Николе скокнало во езерото и со главатa удрило во камен што бил во водата.
При транспорт во болница од здобиените повреди лицето починало. Извршен бил увид од увидна екипа од СВР Охрид, а по наредба на јавен обвинител телото на починатиот било предадено за обдукција.