Промотивен настан за означување на албанскиот дел од Охридското Езеро како природно и културно светско наследство на УНЕСКО ќе се одржи денеска во Подградец во Албанија.
На настанот е предвидено и потпишувањето на договорот за проектот „За зајакнување на управувањето со заедничкото прекугранично природно и културно наследство на Охридското Езеро“.
Свое обраќање е предвидено да имаат министерот за животна средина и просторно планирање, Насер Нуредини, албанскиот премиер, Еди Рама, министрите за туризам и животна средина и за култура на Албанија, Бленди Клоши и Елва Маргарити и директор на Регионалната канцеларија на Меѓународната унија за конзервација на природата (ИУЦН) за Источна Европа и Централна Азија, Борис Ерг.