Заврши состанокот на ЦО на СДСМ , на кој во проширен состав, во присуство на повеќе градоначалници, министри, заменици и пратеници, донеле одлука за нова декларација за поддршка на раководствосто на СДСМ и власта, да продолжи со бескомпромисна борба со криминалот и корупцијата за сите предмети за јакнење на правната држава.
Во врска со утрешната лидерска средба, генералниот секретар на СДСМ рече дека ќе се одржи и дека ќе се разговара за пописот, за СЈО, и за изборниот законик. За предвремени избори не разговарале.
На денешниот состанок избрале повеќе нови членови на партиските комисии, а за координатор на Форумот на жени ја избрале пратениката Снежана Калевска Ванчева. За претседател на комисијата за внатрешни работи е избран Зоран Верушевски, за здравство Венко Филипче, за култура Роберт Алаѓозовски, за надворешни работи Едмонд Адеми, за транспорт Благој Бочварски, за информатичко општество Драган Гоцевски и тн. Формирана е и нова Комисија за спроведување на политиките за едно општество за сите.
