Поранешниот италијански премиер Силвио Берлускони (76) пред судот во Милано изјави дека е невин, каде што со првостепена постапка е прогласен за виновен, поради прекривање на данок.
-Наместо државата да ми даде златен медал, бидејќи обезбедив работа за 56 илјади луѓе, јас сум осуден на четири години затвор – изјави Берлускони.
Милијардерот пред судот изјави дека тоа за што е обвинет, апсолутно нема никаква врска со фактите.
Тој во октомври 2012 година е осуден на четири години затвор и петгодишна забрана за извршување на јавни функции.
Затворската казна е намалена на една година, а двете казни се суспендирани, бидејќи Берлускони приложи жалба на пресудата.
Пресудата на судот се очекува на 24-ти март. На Берлускони му се суди и поради обвинение дека имал сексуални односи со малолетна проститутка, додека бил премиер и е осомничен дека ја злоупотребил положбата.
Елена Георгиевска