Русија успешно лансира вселенски телескоп од последна генерација, откако тој настан поради технички проблеми беше со денови одложуван, соопшти Руската вселенска агенција.
Роскосмос соопшти дека телескопот Спектр-РГ прво со помош на ракетата Протон-М е лансиран во земјината орбита, по што е испратен надвор од орбитата кон својата конечна дестинација – Л2 точката Лагранж, една од точките во Соларниот систем каде објектите можат подолг период да ја задржат својата позиција.
Таа точка е оддалечена од Земјата околу 1,5 милиони километри, а оценета е како идеална за рускиот телескоп.
Ако се одвива се според планот, телескопот до својата конечна дестинација треба да стигне за три месеци и на тој начин да биде поставен првиот руски телескоп кој ќе спроведува операции надвор од земјината орбита уште од времето на СССР.
The #SpektrRG all-sky survey will be a major step forward for X-ray astronomy, which celebrated its 55th anniversary a few years ago.
? Details of the new mission: https://t.co/eR3zJCVNPq (in English) pic.twitter.com/h347O4QJp4
— РОСКОСМОС (@roscosmos) July 14, 2019
Мисијата на телескопот би требало да трае до 2025 година.