Италијанскиот претседател Џорџо Наполитано денеска ја отфрли загриженоста за политичката ситуација во земјата, по резултатите од предвремените парламентарни избори, од кои ниту една партија не излезе како убедлив победник.
– Сигурен сум дека во следните неколку недели ќе биде формирана италијанската влада, истакна Наполитано во Берлин по средбата со германскиот претседател Јоаким Гаук.
Тој додаде дека дотогаш на власт ќе остане Владата на премиерот Марио Монти.
– Италија не го загуби својот пат. Поради тоа нема ризик од зараза, ние не сме болни, истакна тој, обидувајќи се да ја ублажи загриженоста на финансиските пазари.