Грција се уште заостанува во прибирањето на ненаплатените даноци со кои сака да го намали фрапантниот јавен долг, наведуваат денешните весници во земјата, пренесува ДПА.
Овој набљудувачки механизам е во целосен хаос, со дел даночни инспектори кои немаат свој компјутер или дури и биро за работа, наведува весникот „Катимерини“.
Техничките експерти на тројката кредитори, ЕК, ЕЦБ и ММФ, заклучија дека Атина ќе обезбеди помалку пари од дополнителни даноци отколку што очекуваше и пресметаа ревизорите.
Атина во 2012 година во касата внесе само 1,1 милијарда евра од дополнителни даноци споредено со 1,9 милијарди евра колку што се надеваше дека ќе собере.
Помалата наплата во еден дел е предизвикана од многуте должници и банкроти или ликвидирани фирми, наведуваат медиумите.
Инспекторите наведуваат дека даночните агеници имаат многу малку персонал и вработени, а клучните агенции, како што се даночните канцеларии, на големо изненадување немаат ниту свои компјутери или бироа.
Грчката влада вчера почна кампања за прибирање на затаени даноци со закана за кривично гонење за секој еден обврзник кој прикрил повеќе од 5.000 евра неплатен данок.