Словенија во европскиот буџет мора да врати 286.000 евра неправилно искористени средства за земјоделството, објави Европската комисија.
На ниво на цела ЕУ треба да се вратат 414 милиони евра поради неоправдани расходи за земјоделството.
Според ревизорскиот извештај за 2011 година, Словенија на подрачјето на регионалниот развој и структурните политики има проблеми и недоволно ефикасно ги користи средствата. При трансакциите доаѓа до грешки, многу проблеми со почитување на правилата за јавни набавки, а за финансирање на истражувачките проекти нема права контрола, ниту побараните средства секогаш можат да се оправдаат, изјави Милан Цвикл, словенечки член на европското ревизорско тело, во кое членуваат претставници на сите 27 земји-членки на ЕУ.
Цвикл наведе дека ревизијата за 2011 година покажала дека 3,9 отсто или околу пет милијарди евра од средствата од европскиот буџет на ниво на цела ЕУ биле неправилно исплатени.