По речиси десет часа дискусија, со по 64 гласа „за“ Собранието ги разреши министерот за финансии, Драган Тевдовски, министерот за локална самоуправа, Сухејл Фазлиу и вицепремиерот за спроведување на рамковниот договор, Хазби Лика.
Претходно премиерот Заев најави дека го повлекува предлогот тој да биде и министер за финансии, но дека сепак ќе ја преземе функцијата до именување на нов министер.
Пратениците преминаа на последните точки од дневен ред кои се однесуваат на статутите на Универзитетите „Св. Кирил и Методиј“ и Тетовскиот универзитет.