Педесет и едно годишниот Радован С., жител од село Цветишница, синоќа се удавил обидувајќи се да ја помине реката Длабочица.
Според првичните сознанија, тој заедно со Д.С од село Длабочица ја поминувале реката, но во тој момент надошло поголемо количество вода. Д.С успеал да излезе, додека Радован С. не успеал да се спаси.
Телото на починатиот е пронајдено денеска на оддалеченост од околу два километра од местото на настанот.
Поради непристапноста на теренот на лице место се упатени специјални единици од Министертвото за внатрешни работи за да го извадат телото од реката.