Наместо во 18 и 50 часот, ракометарите на Вардар ќе слетаат на скопскиот аеродром во 20 и 30 часот, информира градоначалникот на Град Скопје, Петре Шилегов.
„Заради административни причини (пасоши, документи и сл) авионот од Келн ќе полета во 18 часот. Слетувањето во Скопје е најавено во 20.30 часот. Останатото останува исто. Се гледаме на централниот градски плоштад Македонија на достоинствен пречек на нашите шампиони“, објави Шилегов на „Фејсбук“.
Бројни фанови веќе пристигнаа на Меѓународниот аеродром Скопје да ги пречекаат нашите шампиони. Пристигнати се и брендираните двокатни автобуси во кои ракометарите ќе патуваат до скопскиот плоштад каде ќе има организиран дочек.