Македонскиот ракометен шампион екипата на Металург и дефинитивно ќе заврши на втората позиција во својата група, откако денес Киелце не дозволи изненадување и го совлада Горење на гостувањето во Словенија, со резултат од 29-25.
Горење остана на 12 бода и не го мина Металург, кој има истотака 12 бода, но поради подобриот биланс во меѓусебните дуели (30:23 и 19:23) Металург без разлика на утрешниот исход од дуелот со Силкеборг ќе биде второпласиран.
Полскиот првак Киелце со максимални 20 бодови го освои првото место и е единствената екипа која ги оствари сите десет победи во групата. Дуелот Металург – Силкеборг се игра утре од 17 часот, а во третиот натпревар од групата Ц играат Шамбери – Санкт Петербург.
Табела: Киелце 20 бодови, Металург 12, Горење 12, Силкеборг 8, Шамбери 2, Санкт Петербург 2.