Кандидатот на германскиот десен центар за претседател на Европската комисија, Манфред Вебер, денеска изрази надеж дека гласачите на европските избори ќе ја поддржат „стабилна Европа“ и „обединет и амбициозен континент”.
-Не сакам да ја видам европска десно-популистичка Европа, која сака да ја уништи идејата за заедништво, но, исто така, сум и против Европа во рацете на левицата, рече Вебер по гласањето, чија Европска народна партија (ЕПП) се надева дека ќе го задржи статусот на најголема група во Европскиот парламент.
Во повеќето членки на Европската унија, денеска се гласа за Европскиот парламент, додека во седум земји изборите, кои започнаа на 23 мај, се одржаа порано.
Резултатите од секоја земја-членка ќе бидат објавени вечерва по затворањето на последното гласачко место во Европа, а последни се затвораат избирачките места во Италија во 23 часот.