ВМРО-ДПМНЕ е против проектот за продолжување на булеварот АСНОМ, против проектите кои се во интерес на скопјани ВМРО-ДПМНЕ поднесува неосновани пријави и потврдува дека е против проектот за продолжување на булеварот АСНОМ и нов мост на реката Вардар во Скопје, вели СДСМ во реакција на прес конференцијата на Наум Стоилковски од ВМРО-ДПМНЕ.
“Ова е нов обид на ВМРО-ДПМНЕ да го сопре градњето на овој проект. Граѓаните знаат дека поради неодговороното однесување на советниците на ВМРО-ДПМНЕ од Гази Баба и нивно противење да го поддржат предлогот за меѓуопштинска соработка со Град Скопје, проектот сега чини 8 милиони евра повеќе.
Во поразената опозициска партија треба да знаат дека за подготвителни работи не е потребно одобрение и дека конечно, одобрението го издава Град Скопје. На ВМРО-ДПМНЕ му смета тоа што се градат проекти кои се во интерес на граѓаните.
На ВМРО-ДПМНЕ им смета тоа што не се трошат пари за барок и криминални проекти од кои завршуваа во џебовите на фамилијата. ВМРО–ДПМНЕ е против решавање на сообраќајниот хаос, против подобрување на инфраструктурата и намалаување на загаденоста во Скопје.
Со еден збор ВМРО-ДПМНЕ продолжува да биде кочничар на проектите и на се што е во интерес на граѓаните на Скопје.”, се вели во реакцијата на СДСМ.