Приходот по домаќинство во Бугарија во четвртото тримесечие од минатата година се зголемил на 592 евра, што претставува зголемување од 16,1 отсто во споредба со 2012 година, соопшти националниот Институт за статистика.
Заработувачките на вработените сочинуваат 52,2 отсто од приходите на домаќинствата. Просечната заработувачка во истит период исто така се зголемила и тоа за 18,9 отсто на годишно ниво, така што изнесува 309 евра.
Пензиите учествуваат со 25,1 отсто во вкупните примања, а износот на просечната пензија е непроменлив, односно 148 евра.
Трошоците на домаќинство меѓутоа се згоемиле на 542 евра, што е зголемување од 13,4 проценти на годишно ниво. Трошоците за храна и комуналии чинат 52,3 отсто од вкупните.