Американската компанија „Џенерал електрик“ во следните пет години ќе инвестира над 300 милиони долари во развој на нови технологии во Индонезија.
„Џенерал електрик“ (ЏЕ) ќе соработува со со државната компанија ПЛН, нафтената компанија „Пертамин“, националната авиокомпанија „Гаруда Индонезија“ и железничката компанија „Карет Апи Индонезија“, изјави портпаролката на ЏЕ Индонезија, Аријавит Пурнама.
Проектот ќе опфати технолошки развој во областите со рурална здравствена заштита, електрични постројки на биомаса и развој на железницата, истакна Пурнама.
Извршниот директор на ЏЕ Џеф Имелт, изјави дека компанијата во изминатите две години бележи исклучителен раст во Индонезија.
Индонезија е една од најбрзо растечките економии во светот со 240 милиони жители.