Хемикалиите предизвикуваат многу повеќе здравствени проблеми, отколку што тоа досега се веруваше, се наведува во еден нов извештај на Светската здравствена организација (СЗО), при што се констатира дека, меѓу другото, во пораст се и дијабетесот и канцерот.
– Ендокрините заболувања се вообичаени и се во пораст, при што можеме да докажеме поврзаност со хормонско нарушувачките хемикалии. Брзината на порастот е таква што генетските причини не можат да бидат единственото објаснување, вели Аке Бергман, професор при Стокхолмскиот универзитет, кој раководел со изработката на споменатата студија.
Разните канцерогени форми, дебелината и низа други физички проблеми, авторите на студијата ги поврзуваат со присуството на хормонско нарушувачки супстанци, како што се полихлорен бифенил, олово и разни вештачки ѓубрива.
Од нив само мал број супстанци се забранети, како, на пример, ДДТ и олово во бензинот, пишува весникот „Дагенс нихетер“.