Москва повика на прекин на огнот во Либија, изјави заменик-министерот за надворешни работи Сергеј Вершинин.
– Русија бара „обновување на дијалогот и политичките напори“ промовирани од Обединетите нации, а поддржани од Москва, рече Вершинин, одговарајќи на новинарско прашање дали Русија планира да ја повика самопрогласената Либиска национална армија (ЛНА), предводена од Калиф Хафтар, да прекине со напредувањето кон престолнината Триполи.
Шефот на канцеларијата на Хафтар, Кхеири Ал Тамими вчера присуствуваше на конференцијата за меѓународна соработка во Москва, во организација на руската војска.
Како што пренесуваат странските медиуми, ЛНА планира да го освои Триполи за две или три недели.