Членовите на Судскиот совет едногласно со 12 гласа „за“ го избраа врховниот судија, Киро Здравев за нов претседател на телото што разрешува и избира судии.
Предлогот дојде од членот на Советот, Сашко Георгиев. Мандатот на новиот претседател почнува на 27 април.
Здравев го заменува досегашниот претседател Зоран Караџовски, кому утре му истекува мандатот, а беше на таа позиција 3 години.
На гласањето не се појави судијката Гордана Спиревска, која користела годишен одмор. На седницата е присутен претседателот на Врховниот суд, Јово Вангеловски. За заменик-претседател е предложен Селим Адеми, кому во октомври годинава му истекува мандатот како член на Советот.
Васко Маглешов