Могерини: Да се забрзаат пристапните преговори со земјите од Западен Балкан

Од:

Шефицата на дипломатијата на Европска унија, Федерика Могерини во своето завршно обраќање пред Европски Парламент ги истакна успесите на надворешната политика на ЕУ кон Западен Балкан, јави српската новинска агенција Танјуг.

Могерини како успешен пример на европската политика кон Балканот го наведе Договорот помеѓу Скопје и Атина.

Могерини посочи дека би била голема стратешка грешка и пример за „кратковидност“ на ЕУ доколку не донесе одлука за покренување на пристапни преговори со Македонија и Албанија во јуни.

Таа во својот говор посветен на резултатите на надворешната политика на Унијата наведе дека политиката на проширување на ЕУ е една од успешните приказни за време на нејзиниот петгодишен мандат и мандатот на актуелниот состав на ЕП.

– Нашата политика кон Балканот, на Балканот, но првенствено со Балканот е успешна приказна кој имаше тежок почеток и пат од неочекуваното до воспоставување на доверба и заеднички предизвици, истакна Могерини.

Таа ја повика ЕУ да отвори нови и да ги забрза постоечките пристапни преговори со земјите од Западен Балкан, јави Танјуг.

– Верувам дека е потребно да се забрзаат и многу да се инвестира во пристапните преговори кои веќе траат со земјите од Западен Балкан, како и нашето силно партнерство со тие кои се уште не се земји кандидати, наведе Могерини.

Би можело да ве интересира

Трамп размислува да го именува Ричард Гренел за специјален пратеник за руско-украинскиот конфликт

Акцијата „Моби Дик“ една од најголемите во ЕУ – даночно затајување од 520 милиони евра

А1он

Глобална трговска војна, Британија избира помеѓу САД или ЕУ

Косачов: Европската Унија нема да опстане без Русија и БРИКС

Блумберг: Лидерите на ЕУ го повикаа Бајден да ја зголеми помошта за Украина пред доаѓањето на Трамп

Урсула фон дер Лајен: Го сакаме Западен Балкан во Европската Унија