Голема површина ниско стеблеста шума гори на планината Караорман над струшкото село Делогожда.
Како што информираше заменик командирот Ристе Талевски, територијалната противпожарна единица не може да интервенира поради непристапноста на теренот.
– Теренот е непристапен. Многу е стрмно и високо. Побаравме помош од Дирекцијата за заштита и спасување да ги пушти авионите за да дејствуваат од воздух, изјави Талевски.
Екипи на струшката пожарна дежураат на местото со цел да сречат ширење на огнената стихија кон селото.
Стручките пожарникари денеска интервенирале повеќе од 10 пати од кои седум на шумски пожари, три стрништа и еден објект во Вевчани.
– Апелираме до граѓаните, земјоделците и сточарите да не палат оган на отворено, бидејќи со помош на ветрот и временските услови лесно може да избега од контрола и да предизвика несакани последици.
Надлежните институции да ги зачестат контролите и да го откријат сторителите на овие несакани настани, истакна Талевски.